Tónelska: Walk the moon

Vá... það er kominn mánuður frá því ég heimsótti síðast þennan litla kima internetsins sem ég kalla minn. 
Tíminn líður hratt og það er allt of mikið að gera. Því hef ég ekki getað gefið mér eins mikinn tíma og ég vil í að gera það sem mér finnst hvað skemmtilegast: blogga. 

En það er nú minna en mánuður þangað til þessu lýkur öllu saman og ég get gert nákvæmlega það sem mér sýnist.
Það er því lítið annað í stöðunni en að grafa nefið í bækurnar og vinna sig í gegnum lokasprettinn. 
Það sem hjálpar mér mikið í gegnum stress er tónlist og  ég er yfirleitt með tónlist í eyrunum meira eða minna allan daginn hvort sem það er á leiðinni í eða úr skólanum eða þegar ég er að læra. 

Ég nota nánast einungis Spotify til þess að hlusta á tónlist, Það sem ég elska við Spotify er að það er svo auðvelt að uppgötva nýja, skemmtilega tónlist.
Walk the moon er hljómsveit sem ég var að uppgötva í dag. Tónlistin þeirra er mjög hress og skemmtileg. Tónlist sem gleður.  
Lagið þeirra Work this body hefur verið á stöðugri endurspilun hjá mér í dag og ég er ekki frá því að það sé strax orðið uppáhalds. 
Endilega tékkið á þessari skemmtilegu hljómsveit. 

Þangað til næst 

X

-A

Mánudagur

Bestu dagarnir eru yfirleitt þeir þar sem gerast "óvart". Þar sem ekkert sérstakt er planað en spontant ákvarðanir enda á því að gera daginn extra skemmtilegan. 

Þessi mánudagsmorgunn er fullkomið dæmi um þess konar daga.

Systir mín sótti mig til að við gætum verið samferða upp í Háskóla, við ákváðum svo  að fara og fá okkur morgunkaffi í Kaffitár áður. 

Þar rak ég augun í nýja tegund af sætabrauði, ferskjuvínarbrauð. Ef það er ein freisting sem ég stenst ekki þá er það sætabrauð (eins og Instagram prófillinn minn gefur kannski til kynna).

Svo kósý að byrja vikuna á kaffi og spjalli 

Góð byrjun á vonandi enn betri viku! 

A great start to what will hopefully become an even better week! 

XX

-A

Ferðalag

Þegar þessi færsla fer í loftið verð ég í háloftunum á leiðinni í stutt  en langþráð ferðalag.

Mikið hlakkar mig til að lenda á áfangastað og fá að faðma  uppáhalds manneskjuna mína

Hafið það gott 

XX

-A 

Mánudagur

Gleðilegan mánudag kæru vinir!

Megi dagurinn og vikan framundan vera dásamleg. 

XX

-A

Uppáhalds ...ilmvötnin mín

Mér finnst lykt skipta miklu máli. Ilmvötn sem maður kýs að bera segja ákveðna sögu og gefa ákveðin skilaboð frá sér. Ég heillast mikið af bæði ferskum ávaxtailmum og þyngri ilmum. Sama hvort verður fyrir valinu er ég með ilmvatn á hverjum einasta degi. 

Hér að neðan eru nokkur uppáhalds ilmvötnin mín 

Yves Rocher verveine & Coco

Yves  Rocher er franskt fyrirtæki sem framleiðir náttúrulegar snyrtivörur. Ég birgi mig alltaf upp hjá þeim þegar ég fer til Frakklands og það eru tvær vörur sem ég kaupi alltaf! Kókosilmur og Sítrónugrasilmur. Bæði ilmvötnin eru með mjög ferska lykt sem mér finnst sérstaklega gott að nota á veturnar til að hressa mig við þegar það er dimmt og drungalegt úti. Það þarf ekki nema eitt sprey af kókoslykt og þá er ég komin erlendis í huganum.

Kate Moss Vintage 

Aðeins þyngri lykt en hin tvö að ofan en ekki óbærileg með keim af kryddaðri vanillu. Ég set þetta ilmvatn á mig þegar ég þarf smá sjálfsöryggisboost. Ilmvatn sem endist vel og lengi. Því miður er glasið mitt að verða búið og ég hef ekki getað haft uppi á ilmvatninu neins staðar.

Dior Midnight Poison 

Fékk þetta ilmvatn í jólagjöf fyrir nokkrum árum síðan og datt aldrei í hug að þetta myndi verða eitt af uppáhalds ilmvötnum mínum í dag. Midnight Poison er frekar þungur ilmur sem endist lengi, en er ekki yfirþyrmandi. Ég hef fengið mörg hrós út á þennan ilm og er þetta sá ilmur sem ég nota hvað mest. 

Jean Paul Gaultier Madame

Vinkona mín gengur mjög oft með þennan ilm og þetta er svolítið hennar " signature". Ég fann hann svo á snyrtivöruheildsölu fyrir svolitlu síðan og stóðst ekki mátið. Mjög rómantískur, þægilegur ilmur og glasið þykir mér einstaklega fallegt.

Þangað til næst 

XX

-Andrea

Orð inn í helgina

Falleg orð inn til að hafa með sér inn í helgina 

Mynd

Vona að allir hafi það sem best 

X

-A 

Dreaming of Paris

Í vetrarkuldanum dreymir mig oft um að hoppa bara í næstu flugvél og halda á vit ævintýranna (og mögulega aðeins hlýrra loftslags). 

Ein af þeim borgum sem ég fæ aldrei nóg af er mín ástkæra París. 

Ég hef verið að fara í gegnum tölvuna mína og fann nokkrar myndir frá ferðalaginu mínu síðasta sumar. 

Ekki svo slæmt útsýni 



Gæti byrjað hvern einasta dag svona!

Musée D´Orsay

Loftið í safninu er svo fallegt!



Notre dame 

Gömul tískublöð til sölu við bakka Signu 

Það var svo næs að fá loksins smá sól

 eftir rigningarsumarið mikla á Íslandi 

Ah, C´est la vie!

Pont des arts - eða öðru nafni love lock brúin 

Kaffiterían í Musée D´Orsay er svo falleg!

Ís frá uppáhalds ísbúðinni minni , Amorino 

Maður þarf að vera Chic i París , n´es pas? 

Mikið sem ég vildi vera komin til Parísar í þessum töluðu orðum! 

Þangað til næst 

X

-A

WANTED: Je t´aime

Fann þennan á netvafri um daginn á vefsiðu breska merkisins River Island. 

Mikið óskaplega sem mig langar í þennan! 

Á bolnum stendur : 

"Je t´aime

un peu 

beacoup 

passionément 

a la folie 

pour la vie"

Þessi bolur vekur upp fallegar minningar af mér og ömmu minni í Frakklandi þegar ég var lítil. Við sögðum þetta oft við hvor aðra til að telja upp hversu mikið við elskum hvor aðra. 

Þessi er kominn á óskalistann 

X

-A

Gleðilegt nýtt ár!

Mynd: Sprout and honey

Gleðilegt nýtt ár allir saman! 

Ég verð að byrja á að  afsaka fjarveru mína hér í jólafríinu og undanfarna daga.
 Ég  þurfti svo sannarlega  á því að halda að kúpla mig svolítið út úr öllu. Nú er ég búin a njóta jólafrísins og er tilbúin að takast á við nýjar áskoranir. Ég vona að allir hafi skemmt sér vel um jól og áramót og séu við góða heilsu. 

Ég byrjaði nýja árið með uppáhaldsmanneskjunni minni, sem ég varð svo því miður að kveðja á nýársdag, en bara tímabundið sem betur fer.  

Nýja árið mun hafa í för með sér ýmsar breytingar, sem ég er mjög spennt fyrir. Þetta ár er það fyrsta í langan tíma sem ég er virkilega spennt fyrir komandi tíma.Ég mun loksins útskrifast úr háskóla og er ég því mjög fegin. Ég finn að það er kominn tími fyrir mig til að breyta um umhverfi og leita á vit ævintýranna. 

Fyrsta ævintýrið mitt á þessu ári verður fjarsamband á meðan ég lýk við námið mitt hérna á klakanum. Það er alltaf svolítið sárt að vera í burtu frá þeim sem maður elskar en ég ætla ekki að vera leið, heldur reyna að einbeita mér að því sem er gott og jákvætt. 

Ég hef ekki oft sett mér nýársheit (kannski að hluta til vegna þess að ég stend aldrei við þau) en mér þykir gott að setja mér markmið og langaði mig að deila  nokkrum af mínum markmiðum  fyrir 2015. 

- Fara varlega með pening. 

Alveg frá því að ég byrjaði að vinna fyrir mér hefur mikill meirihluti launa minna farið í föt og hluti. Nú er ég að verða 25 ára og finn virkilega þörfina fyrir því að eiga einhvern varasjóð í bakhöndinni. Því verður það markmið á þessu ári að hætta að kaupa föt ( já hætta að kaupa föt) og spara peninginn minn. Gangi mér vel!

- Reyna að vera jákvæðari 

Ég er þannig í eðli mínu að ég á mjög auðvelt með að stökkva strax í "worst case scenario" hugsun  svo ég þarf að vera svolítið meðvituð með það að vera jákvæð og bjartsýn dagsdaglega og er það eitt af markmiðunum fyrir þetta ár. 

- Skrifa dagbók 

Mér finnst einhvern auðveldara að fá skipulag á hugsanir mínar ef ég kem hlutunum niður  á blað, en gef mér allt of lítinn tíma fyrir það. Því  ætla ég að gera þetta að daglegum sið áður en ég fer að sofa á hverju kvöldi. Að koma deginum niður á blað. 

-Skrifa meira 

Að skrifa, hvort heldur sem það er ljóð eða annað hefur verið ástríða mín og mitt afdrep frá því ég var unglingur. Draumurinn er að geta lifað af skrifum einhvern tíma í framtíðinni og er þetta litla blogg mitt liður í því að reyna að láta þann draum rætast. 

Þetta ár verður frábært  gott, ég finn það á mér nú þegar ... 

XX

-A

Sparkles

Ég get stundum verið svolítið eins og hrafn.

 Ég heillast vandræðalega mikið af öllu því sem glitrar. Þess vegna þegar ég rakst á þennan kjól missti ég andann svolítið. Þessi kjóll væri fullkominn fyrir allar jólaveislurnar og áramótin. 

Því miður er verðmiðinn ekki alveg  námsmannavænlegur en ég mun fylgjast vel með og vona að hann fari á útsölu eftir áramót, 

fæst hér

Svo fallegur! 

Eigið góðan dag 

XX

-Andrea 

Mánudagur

Gleðilegan mánudag! 
Mér þykir gott að byrja vikuna á því að minna sjálfa mig á hversu heppin ég er, því í ys og þys hversdagsins og öllu því stressi og áreiti sem honum fylgir tekur ekki langan tíma að mikla fyrir sér lítil vandamál. 
Í dag náði ég langþráðu takmarki,  að skila lokaritgerðinni minni. Nú á ég eitt próf eftir og svo tekur við jólaundirbúningur.  Spennó!

XX

-A

Drauma outfit

Rakst á þessa outfit mynd af Oliviu Palermo á netvafri um daginn. 

Þvílík fullkomnun sem þetta outfit er! Auðvitað ná pallíettur alltaf að fanga athygli mína, 

en mér þykir litasamsetningin hérna líka mjög flott. 

Flíkur með stórum pallíettum þykja mér sérstaklega flottar og á ég einar slíkar pallíettubuxur uppi í skáp sem bíða frumsýningar. 

mynd

Þangað til næst 

XX

-A



Reykjavíkurástir: Uppáhaldsstaðir í Reykjavík

Reykjavík hefur alltaf á sérstakan stað í hjarta mínu. Ég hef búið í Reykjavík meiri hluta lífs míns og verið hin mesta miðbæjarrotta  frá því ég byrjaði í menntaskóla. Ég veit ekkert betra en að rölta um í rólegheitum, fá mér kaffi og skoða í búðir. 

Eftir að ég byrjaði að vinna í ferðaþjónustu kynntist ég borginni enn betur, þar sem ég þurfti að vera í stakk búin til að veita ferðamönnum meðmæli um áhugaverða staði. 
Því datt mér í hug að deila með ykkur nokkrum af  uppáhaldsstöðunum mínum í Reykjavík.

Safngarður Einars Jónssonar. 

 Mynd

Þegar ég var í menntaskóla fór ég oft niður í bæ eftir skóla,  fékk ég mér kaffi og fór og settist niður í safngarðinum og virti fyrir mér útilistaverkin. Þessi garður  er minn staður og hefur mjög róandi áhrif á mig. Mér finnst mjög gott að koma þarna og vera ein með sjálfri mér og skrifa eða taka myndir. Skúlptúrar Einars Jónssonar eru svolítið drungalegir sem hefur alltaf heillað mig. 

Sandholt bakarí 

Mynd

Eitt flottasta bakarí landsins. Sandholt stækkaði við sig fyrir stuttu og eru nú með stærri aðstöðu fyrir kaffihús. Algjört ævintýraland fyrir sælkera, góð brauð, girnilegar kökur og  handgert súkkulaði sem er tilvalið í gjafir. Get ekki mælt nóg með þessum stað. Mér finnst mjög kósý að fara og kaupa mér samloku og heitt súkkulaði í hádeginu og rölta svo um miðbæinn.

Sjávargrillið  

 Mynd


Sjávargrillið er uppáhalds veitingastaðurinn minn í miðbæ Reykjavíkur og sá eini sem ég mæli með við alla mína gesti í vinnunni. Góð og vingjarnleg þjónusta, þægilegt umhverfi og dásamlega góður matur. Hef aldrei gengið út ósátt. Þessi staður er þó svolítið spari, þar sem það er ekki á færi námsmanns að fara fínt út að borða hvenær sem er 


Tíu dropar/Chateux des dix gouttes 

 Mynd


Kaffihús á Laugaveginum með mjög kósý stemmningu, hentar bæði fyrir stefnumót eða vinkonuhitting. Tíu dropar hefur verið uppáhalds kaffihúsið mitt frá því ég var í menntaskóla. Fer þangað mjög oft með vinum að fá mér kjötsúpu og rauðvín. Ostaplattinn er líka góður og staðurinn býður upp á lifandi tónlist á kvöldin. Stemmingin minnir mig svolítið á mína ástkæru París og gæti það verið þess vegna sem ég kann svo vel við Tíu dropa. 



The coocoo´s nest 

 Mynd 

Coocoo´s nest er veitingastaður við gömlu höfnina, og einn sá besti brunch staður sem ég veit um. Matseðilinn hjá þeim er breytilegur, en ég mæli með að grípa pizzu hjá þeim á fimmtudagskvöldum, Taco á þriðjudögum eða brunch um helgar. Ég er allavega orðin fastagestur á þessum sjarmerandi stað. 


 Þangað til næst 
XX
-A 

 

Yfirhöfn

Ein af uppáhalds flíkum mínum er og hefur alltaf verið falleg kápa.  Ég elska fallegar, vel gerðar kápur og á töluvert af þeim. Svo  þegar maður býr í landi þar sem maður þarf einhvers konar yfirhöfn mestan hluta ársins er extra mikilvægt að þær séu fallegar. Ég man eftir því þegar ég var lítil og fylgdist með ömmu minni klæða sig upp í fallegar kápur og hatta, enda var hún algjör dama. Ég átta mig meira og meira á því eftir sem árin líða að hún átti mikinn þátt í að skapa minn stíl sem fullorðin kona. 
Hér eru 3 kápur á óskalistanum mínum: 

Hér

Hér

Hér

Ég vona að allir eigi góða helgi 
xx 
-A

Reykjavíkurástir: K- bar

Ég elska borgina mína og ég elska endalausa flóru veitingastaða sem er að finna í miðbæ Reykjavíkur. Ég elska alls konar matargerð og þykir það mikil forréttindi að geta gengið að svo fjölbreyttri flóru veitingahúsa hér í litlu Reykjavík.

 K - bar  er tiltölulega nýtt veitingahús og er staðsett við hliðina á OK hotel ofarlega á Laugaveginum. Fyrst þegar ég heyrði af þessum stað var ég mjög spennt að prófa. Kalifornískur/Kóreskur? Count me in!

Loksins kom að því, föstudaginn í síðustu viku lá leið mín á K - bar í hádegismat.

Það fyrsta sem ég tók eftir er að veitingahúsið er skemmtilega og hlýlega innréttað. Þetta er staður þar sem er huggulegt að sitja, borða góðan mat og spjalla.

Matseðilinn breytist aðeins frá degi til dags, en samkvæmt þjóninum okkar eru þó ákveðnir réttir sem rata oftast á matseðilinn. Ég pantaði mér krabbasamloku, en krabbakjöt er í miklu uppáhaldi hjá mér og ég vissi ekki einu sinni að það fengist hér á landi, svo þið getið ímyndað ykkur ánægju mína yfir þessari uppgötvun. ( Fyrir það hvað hún er lítil lumar Reykjavík á dásamlegum leyndarmálum). 

K - bar er líka með Hoegaarden bjór á krana, sem kemur í risa stóru glasi, ég stóðst ekki mátið og pantaði mér glas - ekta föstudags!

 

Sumarbjór!

 

 

 

Franskar með sterku majónesi

 

 

 

 

Krabbasamlokan fræga!

 

 

Ég mæli eindregið með K -bar. Maturinn er góður og þjónustan vingjarnleg. Það er líka opið á kvöldin og ég get ímyndað mér að  þá sé stemmingin skemmtileg. Ég get ekki beðið eftir að fara aftur og fá að prófa kvöldverðarseðilinn þeirra. 

 

P.S. Fyrir þá ævintýragjörnu og forvitnu ( eða bara hvern sem er), þá býður K - bar upp á Cronut, sætabrauð sem hefur verið vinsælt í Bandaríkjunum upp á síðkastið og er einskonar croissant kleinuhringur.

 

 

Mother

Datt í hug að byrja á að deila mínum fyrstu skrifum hér á blogginu í tilefni þess hvað það er fallegur laugardagur. Deginum verður hins vegar varið innan dyra í ritgerðarskrif.
Þetta er ljóð sem ég hef gengið með í kollinum lengi og tileinkað einni mikilvægustu fyrirmynd í mínu lífi. Ljóðið er á ensku og kallast Mother.

So quick to judge

So fast to jump.

Jump to conclusion

so quick to blame

Blame it all on you.

But my heart and I

we were hurt.

Quietly

so quietly that I did not see

you trailed behind me

picking up the pieces

trying to puzzle them back

back into my chest.

but they would not fit

they couldn´t fit

I know that now.

That nobody could fix me

but myself.

Still you tried

still you loved me

when love was not what I deserved

Still you kept on going

even when I threw rocks of ugly words
your way

Still you were there

always waiting

waiting for me to come back.

I was so blind

I didn´t see

your kind heart.

 That, quietly

with so much care:

you love me.

You love me.

And step by step

little by little

I finally made my way back.
Back to mother.

Shopping

Var loksins að panta mér þetta hálsmen eftir að hafa mænt að það vikum, ef ekki mánuðum saman. Borði í keðju með orðunum " We all have a story to tell" eða á íslensku: Við eigum öll okkar sögu að segja. Þessi setning er mér virkilega hjartfólgin og lýsir því vel hvernig mér líður og hvernig ég sé heiminn. Ég er handviss um að þetta verður mikið notað! Myndin er fengin að láni frá vefsíðu Monamara



 

xoxo

 

Reykjavíkurdaman



 

Af hverju ég skrifa...

Frá því ég man eftir mér hef ég alltaf verið að krota og krafsa eitthvað niður á blað. Til að sjá hvernig orðin passa saman og til að koma tilfinningum mínum í fast form.  Ég skrifa af því það er eitthvað sem færir mér hamingju þegar allt annað virðist ómögulegt.
 Að skrifa veitir mér innblástur og hvatningu til að halda áfram, til að horfa fram á veginn sama hvað.  Ég skrifa vegna þess að það að setja orð á blað felur ekki í sér neinar fyrirfram ákveðnar reglur. Þessi athöfn er minn griðastaður. Hér ræð ég för - hvað ég skrifa og hvernig ég geri það.
Ég skrifa til að róa áhyggjurnar sem eiga það til að taka yfir og til að auðvelda mér að setja hlutina í samhengi þegar ég þarf á því að halda.
Ég skrifa til að læra. Til að læra inn á sjálfa mig . Til að læra inn á aðra. Til að læra inn á heiminn í kring um mig. 
En mest af öllu skrifa ég til að kortleggja líf mitt. Hvar ég hef verið og hvert ég er að fara. Til að minna sjálfa mig á það hvers megnug ég er þegar erfiðleikar banka upp á. Til þess að hafa einhverja áþreifanlega sönnun fyrir því að ég hafi í raun lifað. Eins konar minjagripir. Á næstu vikum mun ég deila með ykkur minjagripunum mínum og vona að þið komið til með að hafa gaman af

xoxo

 

Reykjavíkurdaman

Orð inn í helgina....

 

 

 

Ég vona að allir eigi yndislega helgi! 

 

xoxo

 

Reykjavíkurdaman

 

 

 

Reykjavíkurástir#1

Síðastliðin áramót tók ég mikilvægustu ákvörðun lífs míns, hingað til... Ég ákvað að vera vera hamingjusöm. Í eitt skipti fyrir öll.
En hamingju er vinna sem aldrei er lokið. Hamingja er eitthvað sem við þurfum að hafa fyrir. Hamingja er eitthvað sem er algjörlega þess virði.
Ég hef tekið eftir því að oft er það sem færir mér mesta hamingju eru litlu hlutirnir: nýtt naglalakk skemmtileg grein á netinu eða góður matur. Möguleikarnir fyrir hamingju eru endalausir bara ef maður hefur augun opin!
Því mun ég, í  þessum "dálki",deila áhugaverðum hlutum og því sem er mér efst í huga hverju sinni:

Voilá!

Bloggarinn Cherry Blossom girl er með svo yndislega fallegan og draumkenndan stíl og mig hefur dreymt þennan fallega hárrauða kjól síðan ég sá hann fyrst á blogginu hennar. Nú er bara að byrja að safna.

 

 

 

Hér er hægt að komast að því hvernig hægt er að klæða sig eins og franskar konur, eftir kúnstarinnar reglum. Oooh la la, nú þarf ég bara flugmiðann til Parísar!

 

Ég elska Rebelle Society! Þessi grein er mjög áhugaverð og skemmtileg og endurspeglar nokkurn veginn hvernig mér líður sjálfri.

 

 

xoxo

 

Reykjavíkurdaman