Uppskriftir sem mig langar að prófa

Undanfarna mánuði hef ég haft aðeins meiri frítíma en ég á að venjast þar sem ég er enn að leita mér að vinnu hér úti. Áður en ég flutti út var ég í 38 einingum í háskóla og yfir 50% vinnu svo það var ekki mikið um neitt sem heitir frítími eða áhugamál.
Þessa dagana er allt annar rytmi á lífi mínu hér og þó svo margir segi að atvinnuleit sé full vinna þá er nú samt sem áður ansi mikill tími aflögu þegar búið er að sækja um vinnur. 
Því hefur hugurinn leitað aftur í áhugamál, hver mín eiginlega séu? 
Eitt áhugamál sem hefur verið viðvarandi, meira að segja þegar ég hef ekki haft tíma til að sinna því er bakstur og matargerð.  Sem lærður bakari er hálfgerð skömm í því að ég hef varla bakað neitt af viti frá því í vor. 
Ég ætla mér að bæta úr því og hér eru nokkrar uppskriftir sem mig langar að prófa til þess að koma mér af stað 

1. Espresso créme brulée

Ég datt inn á vefsíðuna hennar Mörthu Stewart um daginn og er búin að liggja yfir henni tímunum saman að skoða alls konar girnilegar uppskriftir og var þessi efst á lista hjá mér til að prófa. Créme Brulée er og hefur alltaf verið uppáhalds eftirrétturinn minn og allir þeir sem þekkja mig vita að ég elska kaffi meira en allt annað (hef reyndar ekki drukkið mikið kaffi upp á síðkastið en það er annað mál). Ég verð að prófa þetta við fyrsta tækifæri 

Mynd: Martha Stewart Living

2. Natas - Portúgalskar tartalettur

Þessar eru mikið í uppáhaldi, hef fengið þær þónokkuð oft en aldrei gert þær sjálf.Eftirminnilegast var á portúgölskum veitingastað í Brussel þar sem þær voru bornar fram með litlu glasi af púrtvíni. Mig hefur alltaf langað að prófa að gera þær sjálf enda er þetta eitthvað sem væri dásamlegt að bera fram fyrir morgunverð eða brunch, en samt kannski án púrtvínsins. Ég fann þessa uppskrift hér

Mynd: BBC Good Food



3. Skúffukaka

Það sem er skrýtið þegar maður býr erlendis er að maður fer að sakna matvæla og rétta sem voru kannski ekki einu sinni á boðstólum reglulega heima fyrir. Akkurat núna gæti ég drepið fyrir skúffuköku með glassúr og kókos, en samt sem áður var þetta eitthvað sem ég borðaði örsjaldan þegar ég var á Íslandi.  Mig langar mikið að prófa þessa uppskrift frá Ljúfmeti og lekkerheit 

Mynd: Ljúfmeti og lekkerheit



4. Éclairs

Ég man eftir að hafa séð þessar litríku fallegu kökur í búðargluggum og bakaríum þegar ég við fjölskyldan eyddum tíma í Frakklandi og mér þótti svo gaman að skoða öll litríku sætabrauðin. Ég hallast reyndar frekar að því að makkarónur séu meira uppáhalds í dag en mér þætti gaman að prófa að búa til Éclairs. Uppskriftina fann ég á vefsíðu BBC Good Food


Mynd: BBC Good Food




5.Peanut butter tart 

Þar sem ég elska allt sem inniheldur hnetusmjör og hnetusmjör út af fyrir sig ennþá meira þá gat ég ekki sleppt því að hafa þessa á "to -do" listanum. Hnetusmjörsterta, er hægt að biðja um meira? 


Mynd: Martha Stewart 



Læt þetta duga í bili þó svo það séu margar fleiri uppskriftir sem mig langar að prófa 

Þangað til næst 

X

-A


English recap: A couple of sweet recipes that I want to try. 

Endurkoma lata bloggarans

Mér brá heldur betur í brún þegar ég loggaði mig inn hérna um daginn og sá að ekkert hefur verið skrifað síðan í april! Margt hefur gengið á undanfarna 3 -4 mánuði og miklar breytingar hafa orðið. Ég held að ég hafi bara þurft smá pásu, ásamt því að mér fannst ég ekki hafa um neitt að skrifa. 

Sumarið hefur verið gott hingað til, eyddi viku á Spáni í byrjun sumars, flutti til nýs lands þar sem ég er loksins að finna fótfestu, læra tungumálið og eignast vini. Það er mikið af góðu og skemmtilegu fólki hérna sem gerir lífið svo sannarlega skemmtilegra. Ekki skemmdi fyrir að ég fékk að koma heim til Íslands í stutt stopp og fá smjörþefinn af íslensku sumri. 

En sumarið er ekki búið enn og ég vonast til þess að eiga mörg fleiri ævintýri áður en hitastigið fer lækkandi. Hins vegar er ég mjög spennt fyrir haustinu eftir mjög heitt sumar hér í Sviss og  hlakka til þess að fá að klæða mig fyrir uppáhaldsárstíðina mína. Það verður svolítið skrýtið að vera ekki að fara að setjast á skólabekk í fyrsta skipti í nánast 5 ár. 
En það hlýtur nú að venjast. 
Hér koma nokkrar myndir frá sumrinu hingað til ...

Ljúfa lífið á Spáni í góðum félagsskap, mikið var nú gott að komast í sól og hita eftir ömurlegan vetur á Íslandi.



Þar sem ég var fjarri góðu gamni á útskriftardaginn minn, bætti ég upp fyrir það með að fá mér gott kaffi.....



...og candyfloss, auðvitað!




Heimatilbúinn kínverskur hot pot sem vinkona okkar eldaði fyrir okkur, mjög gott en örlítið sterkara en ég á að venjast. Við erum mjög heppin að hafa kynnst svona yndislegu fólki frá öllum heimshornum sem elda fyrir okkur svona góðan mat frá sínu landi, hef smakkað allskonar mat sem er gjörsamlega ólíkur því sem fæst á veitingastað. Dásamlegt! 



Fallegur dagur við vatnið í Montreux. Við fórum þangað á síðasta degi jazz hátíðarinnar og skemmtum okkur konunglega. Ég er ekki frá því að þetta sé einn af uppáhalds stöðum mínum í Sviss enn sem komið er og get ekki beðið eftir að heimsækja aftur (ekki skemmr fyrir að þar er bæði að finna Zöru og H&M) 



Kom heim til Íslands yfir helgi fyrir brúðkaup frænda míns (og komst að því að 14 tíma ferðalag hvora leið er ekkert grín!), sem var kærkomið helgarfrí. Auðvitað gat ég ekki látið KRÁS götumatarmarkaðinn fram hjá mér fara og fékk þessa ljúffengu Brownie köku og mjólk frá Omnom, meðal annars...

Jæja líklega nóg komið í bili 

Þangað til næst 

X
-A 

Mánudagur

Bestu dagarnir eru yfirleitt þeir þar sem gerast "óvart". Þar sem ekkert sérstakt er planað en spontant ákvarðanir enda á því að gera daginn extra skemmtilegan. 

Þessi mánudagsmorgunn er fullkomið dæmi um þess konar daga.

Systir mín sótti mig til að við gætum verið samferða upp í Háskóla, við ákváðum svo  að fara og fá okkur morgunkaffi í Kaffitár áður. 

Þar rak ég augun í nýja tegund af sætabrauði, ferskjuvínarbrauð. Ef það er ein freisting sem ég stenst ekki þá er það sætabrauð (eins og Instagram prófillinn minn gefur kannski til kynna).

Svo kósý að byrja vikuna á kaffi og spjalli 

Góð byrjun á vonandi enn betri viku! 

A great start to what will hopefully become an even better week! 

XX

-A

The Oscars : uppáhaldskjólarnir mínir og #Askhermore

Það er nú orðið töluvert langt síðan ég setti eitthvað hingað inn og þykir mér það mjög leiðinlegt. Annríki í skóla og vinnu hefur orðið til þess að ég hef ekki getað sinnt mínum áhugamálum og hef ekki skrifað eins mikið og ég vildi að ég gæti. 

Ég var staðráðin í því að horfa á Óskarsverðlaunin í gærkvöldi en sofnaði svo fyrir klukkan tíu í gærkvöldi. Frábært Andrea, Frábært! 

En þess í stað hef ég  eytt morgninum í að leggjast yfir fataval stjarnanna fyrir þennan stærsta atburð ársins í kvikmyndabransanum. 

Keira Knightley  í Valentino 

Mér finnst þessi kjóll rosalega flottur og 

 svolítið öðruvísi með áletrununum á pilsinu. 

Rosamund Pike í Givenchy 

Ég man eftir að hafa fyrst séð Rosamund Pike í  Pride and Prejudice með Keiru Knightley og þykir mér hún mjög skemmtileg leikkona. Kjóllinn hennar fyrir stóra kvöldið  er alveg guðdómlega fallegur! 

Chloé Moretz í Miu Miu 

Mér þykir þessi svolítið skemmtilegur! 

Flottur og unglegur fyrir þessa hæfileikaríku leikkonu 

Emma Stone í Elie Saab 

Miðað við það sem ég hef lesið er þessi að mati margra kjóll kvöldisins og kemur það alls ekki á óvart - algjör prinsessukjóll sem er þó nokkuð nútímalegur og stílhreinn í sniðinu.

En á meðan það getur verið óendanlega gaman fyrir okkur sem aðeins getum fylgst með þessum atburði heima í sófa að spá og spekúlera í kjólum sem flestar okkar munu aldrei hafa efni á að kaupa, er vert að hafa í huga að þessar leikkonur eru meira en fötin sem þær klæðast, þó falleg þau séu. 

Allar þessar stórkostlegu leikkonur sem eru svo ótrúlega hæfileikaríkar og duglegar eiga skilið viðurkenningu fyrir hæfileika sína og afrek, ekki aðeins klæðaburð og útlit. 

Þess vegna var ég mjög spennt fyrir #askhermore herferðinni sem Reese Witherspoon átti þátt í að vekja athygli á í aðdraganda Óskarshátíðarinnar. 

#Askhermore gengur út á að hvetja blaðamenn og fjölmiðlafólk til þess akkurat að spyrja hana meira, spyrja hana að öðru en aðeins útlitstengdum spurningum. Þetta þykir mér frábært framtak. Leikkonur og listamenn sem eru í sviðsljósinu eru oft persónur sem ungar konur taka sér til fyrirmyndar og  því er svo ótrúlega mikilvægt að fleira en klæðaburður stjarnanna fái athygli fjölmiðla. Það sendir sterk skilaboð að útlit sé ekki það eina sem skiptir máli. 

Nú hlakkar mig bara til að fá að horfa á Óskarsathöfnina sjálfa, þó svo það verði degi of seint og sjá hvernig þetta fór allt fram 

Þangað til næst 

XX

-A

Mánudagur

Gleðilegan mánudag kæru vinir!

Megi dagurinn og vikan framundan vera dásamleg. 

XX

-A

LUNCH

Mér þykir svo ótrúlega gaman að geta gert vel við mig í mat og drykk. Það er ekkert sem lífgar upp á hversdaginn eins og góð máltíð í hádeginu. 

Að þessu sinni var það systradeit á  Sjávargrillinu.

Sjávargrillið er einn af uppáhalds veitingastöðunum mínum og peninganna virði í hvert einasta sinn. 

Dásamlegur matur, góð og vingjarnleg þjónusta og skemmtilegt andrúmsloft. 

Get ekki mælt nóg með þessum stað! 

Þangað til næst

X

-A

Gleðilegt nýtt ár!

Mynd: Sprout and honey

Gleðilegt nýtt ár allir saman! 

Ég verð að byrja á að  afsaka fjarveru mína hér í jólafríinu og undanfarna daga.
 Ég  þurfti svo sannarlega  á því að halda að kúpla mig svolítið út úr öllu. Nú er ég búin a njóta jólafrísins og er tilbúin að takast á við nýjar áskoranir. Ég vona að allir hafi skemmt sér vel um jól og áramót og séu við góða heilsu. 

Ég byrjaði nýja árið með uppáhaldsmanneskjunni minni, sem ég varð svo því miður að kveðja á nýársdag, en bara tímabundið sem betur fer.  

Nýja árið mun hafa í för með sér ýmsar breytingar, sem ég er mjög spennt fyrir. Þetta ár er það fyrsta í langan tíma sem ég er virkilega spennt fyrir komandi tíma.Ég mun loksins útskrifast úr háskóla og er ég því mjög fegin. Ég finn að það er kominn tími fyrir mig til að breyta um umhverfi og leita á vit ævintýranna. 

Fyrsta ævintýrið mitt á þessu ári verður fjarsamband á meðan ég lýk við námið mitt hérna á klakanum. Það er alltaf svolítið sárt að vera í burtu frá þeim sem maður elskar en ég ætla ekki að vera leið, heldur reyna að einbeita mér að því sem er gott og jákvætt. 

Ég hef ekki oft sett mér nýársheit (kannski að hluta til vegna þess að ég stend aldrei við þau) en mér þykir gott að setja mér markmið og langaði mig að deila  nokkrum af mínum markmiðum  fyrir 2015. 

- Fara varlega með pening. 

Alveg frá því að ég byrjaði að vinna fyrir mér hefur mikill meirihluti launa minna farið í föt og hluti. Nú er ég að verða 25 ára og finn virkilega þörfina fyrir því að eiga einhvern varasjóð í bakhöndinni. Því verður það markmið á þessu ári að hætta að kaupa föt ( já hætta að kaupa föt) og spara peninginn minn. Gangi mér vel!

- Reyna að vera jákvæðari 

Ég er þannig í eðli mínu að ég á mjög auðvelt með að stökkva strax í "worst case scenario" hugsun  svo ég þarf að vera svolítið meðvituð með það að vera jákvæð og bjartsýn dagsdaglega og er það eitt af markmiðunum fyrir þetta ár. 

- Skrifa dagbók 

Mér finnst einhvern auðveldara að fá skipulag á hugsanir mínar ef ég kem hlutunum niður  á blað, en gef mér allt of lítinn tíma fyrir það. Því  ætla ég að gera þetta að daglegum sið áður en ég fer að sofa á hverju kvöldi. Að koma deginum niður á blað. 

-Skrifa meira 

Að skrifa, hvort heldur sem það er ljóð eða annað hefur verið ástríða mín og mitt afdrep frá því ég var unglingur. Draumurinn er að geta lifað af skrifum einhvern tíma í framtíðinni og er þetta litla blogg mitt liður í því að reyna að láta þann draum rætast. 

Þetta ár verður frábært  gott, ég finn það á mér nú þegar ... 

XX

-A